Fógra Príobháideachta

Sinne Transdev Dublin Light Rail Limited (dá ngairtear “sinne” , “ár” nó “Transdev Ireland” san Fhógra Príobháideachta seo). Is sinne oibritheoirí Sheirbhís Iarnróid Éadroim Luas i mBaile Átha Cliath. Soláthraímid an tseirbhís faoi chonradh ón Údarás Náisiúnta Iompair (“NTA” féach www.nationaltransport.ie) agus Bonneagar Iompair Éireann (“TII”, féach www.tii.ie).

Is iad seo a leanas ár sonraí teagmhála: Transdev Dublin Light Rail Limited, Iosta Luas, Timpeallán na Bó Deirge, Cluain Dolcáin, Baile Átha Cliath 22 , D22 C5P3.Tá tuilleadh faisnéise ar fáil mar gheall ar ár bhfeidhmeanna ar ár suíomh gréasáin ag www.luas.ie agus ar shuíomh an chorparáidigh ag www.transdevireland.ie.

Léigh an Fógra Príobháideachta seo in éineacht lenár dTéarmaí agus CCanna a bhaineann le Seirbhís Luas agus Fodhlíthe Luas, tá siad ar fad ar fáil ag www.luas.ie.

Tá Oifigeach Cosanta Sonraí (DPO) ceaptha againn chun maoirseacht a dhéanamh ar ár gcomhlíontacht maidir le rialacha um chosaint sonraí. Tá tuilleadh faisnéise mar gheall ar ár DPO, lena n-áirítear sonraí teagmhála, ar fáil i Rannóg 16.

Bailíonn agus úsáideann Transdev Ireland sonraí pearsanta (faisnéis phearsanta) daoine a bhíonn i dteagmháil linn, chun críocha éagsúla, lena n-áirítear maidir le custaiméirí Luas agus úsáideoirí aipe agus suímh gréasáin. I gcásanna a mbímid freagrach as cinneadh a dhéanamh faoin gcaoi a ndéanaimid sonraí pearsanta maidir le daoine a choinneáil agus a úsáid, is “rialtóir sonraí” sinn.

Sonraítear san Fhógra Príobháideachta seo faisnéis maidir leis na sonraí pearsanta a mbailímid maidir le custaiméirí Sheirbhís Iarnróid Éadroim Luas agus seirbhísí gaolmhara (lena n-airítear seirbhísí Páirceáil + Taisteal, Coigitleoir Cánach Luas agus Seirbhís Téacs Luas) (“Seirbhísí Luas”) agus mar gheall ar úsáideoirí ár n-aip agus ár suíomhanna gréasáin (www.luas.ie and www.transdevireland.ie). Is seirbhís é Seirbhís Téacs Luas a ligeann do chustaiméirí Luas agus baill den phobal eachtraí iompraíochta míshóisialta a fheiceann siad ar bord tramanna Luas agus ag stopanna Luas a thuairisciú.

Úsáidimid fianáin ar ár suíomhanna gréasáin, chun tuilleadh faisnéise a fháil mar gheall air seo, téigh chuig ár bhFógra Fianáin ar ár suíomhanna gréasáin.

San Fhógra Príobháideachta seo, soláthraítear faisnéis maidir le sonraí pearsanta eile a bhailímid agus a úsáidimid maidir le daoine atá seachtrach ónár ngnólacht.

Mar a shainítear sa rannóg ‘Maidir Linn’ thuas, bíonn an Luas á oibriú againn faoi chonradh ón Údarás Náisiúnta Iompair (“NTA” féach www.nationaltransport.ie) agus Bonneagar Iompair Éireann (“TII”, féach www.tii.ie). Is rialtóir sonraí sinn d’fhaisnéise pearsanta a bhailítear ar ár suíomhanna gréasáin maidir le Táillí Caighdeánacha Luas agus Coigilteoir Cánach Luas don Chóras Íocaíochta Clós Páirceála, mar aon le taifid CCTV a ghabhtar ag stopanna Luas agus ar thramanna Luas maidir le hoibríocht Sheirbhís Foláirimh Téacs Luas. Soláthraímid tuilleadh faisnéise san Fhógra Príobháideachta seo maidir leis na gníomhaíochta próiseála sonraí seo.

Is iad an NTA agus TII rialtóirí roinnt faisnéise pearsanta a dhéanaimid a phróiseáil maidir leis an Seirbhís Luas. Tá siad freagrach as faisnéis pearsanta a bhailítear agus a úsáidtear chun críocha Cártaí Leap a eisiúint, go háirithe agus bíonn na suíomhanna gréasáin www.leapcard.ie agus www.studentleapcard.ie á bhfeidhmiú acu. Mar shampla, déanaimid iarratais do chártaí Leap a phróiseáil agus nuair a dhéanaimid amhlaidh, is sinne na próiseálaithe sonraí maidir leis an bhfaisnéis pearsanta seo ar son NTA agus TII.

Tá sé thar a bheith tábhachtach a thabhairt faoi deara go bhfuil cearta áirithe ag NTA agus TII faoinár gconradh leo chun rochtain a fháil ar fhaisnéis custaiméara agus nuair a chuirfear críoch leis an gconradh eadrainn, go ndéanfaí an fhaisnéis custaiméara sin a aistriú chucu nó chuig an soláthraí seirbhíse a thiocfaidh i gcomharbas orainn don Luas.

Nuair a dhéanaimid tagairt d’ár ngníomhaíochtaí próiseála sonraí san Fhógra Príobháideachta seo maidir le haon ceann de na Seirbhísí Luas, tabhair faoi deara go ndéanaimid amhlaidh maidir le próiseáil sonraí le haghaidh agus thar ceann an NTA agus TII, de réir mar a shainaithníodh thuas.

An príomhreachtaíocht um chosaint sonraí atá i bhfeidhm dúinn ná An Rialachán Ginearálta maidir le Cosaint Sonraí AE (An RGCS), éifeachtach ó 25 Bealtaine 2018, agus déanann reachtaíocht na hÉireann an RGCS a fhorlíonadh (is é sin na hAchtanna um Chosaint Sonraí 1988- 2018 agus na Rialacháin ríomh-Phríobháideachais 2011). Ceann d’ár n-oibleagáidí faoin RGCS is ea a bheith trédhearcach leatsa agus maidir lenár mbailiúchán agus ár n-úsáid d’fhaisnéis pearsanta do dhaoine aonair.

Soláthraítear cearta áirithe cosanta sonraí do dhaoine maidir le húsáid a sonraí pearsanta (faisnéis phearsanta) ag eagraíochtaí, Transdev Ireland san áireamh. Rialaítear gach gníomhaíocht a mbímid rannpháirteach ann ag dlíthe na hÉireann agus an AE maidir lenár mbailiúchán, stóráil, láimhseáil, nochtadh agus úsáidí eile faisnéis phearsanta.

Is oibleagáid dhlíthiúil é comhlíonadh leis na rialacha um chosaint sonraí. Anuas air sin, lenár gcomhlíontacht leis na rialacha um chosaint sonraí, cuidítear le daoine an muinín a bheith acu a bheith ag plé linn agus cuidíonn sé le dea-cháil a choinneáil maidir leis an mbealach a ndéanaimid sonraí pearsanta a phróiseáil.

Tá na rialacha um chosaint sonraí atá i bhfeidhm dúinne sa Rialachán Ginearálta maidir le Cosaint Sonraí AE (An RGCS), éifeachtach ó 25 Bealtaine 2018, agus déanann reachtaíocht na hÉireann an RGCS a fhorlíonadh (is é sin na hAchtanna um Chosaint Sonraí 1988- 2018 agus na Rialacháin ríomh-Phríobháideachais 2011).

Éilítear leis na rialacha um chosaint sonraí gur chóir don méid seo a leanas a bheith i gceist leis na sonraí pearsanta (faisnéis phearsanta) a bhailímid agus a úsáidimid (mar an rialtóir sonraí):

1. Go mbailítear agus go n-úsáidtear iad ar bhealach dleathach, comhionann agus trédhearcach.

2. Go mbailítear chun críocha bailí iad amháin agus go ndéantar é sin a mhíniú duitse go soiléir agus nach n-úsáidtear ar aon bhealach iad nach bhfuil in oiriúint chun na críocha sin.

3. Maidir leis na críocha a d’insíomar duit, go mbeidh siad leordhóthanach (sásúil) chun na críocha seo agus go mbeidh siad teoranta do na críocha sin.

4. Go bhfuil siad cruinn agus go gcoinnítear iad cothrom le dáta

5. Go gcoinnítear iad chomh fada agus is gá agus chun na críocha ar insíomar duit fúthu.

6. Go gcoinnítear go slán iad.
Caithfimid rialacha a leanúint freisin maidir le cé a fhaigheann sonraí pearsanta uainn (féach rannóg 10 thíos), sonraí pearsanta a aistriú taobh amuigh den Limistéar Eorpach Eacnamaíoch (EEA) (féach Rannóg 11 thíos) agus maidir le cearta daoine maidir lena sonraí pearsanta (féach Rannóg 15 thíos).

Bailímid, stórálaimid agus úsáidimid catagóirí éagsúla faisnéis phearsanta maidir le custaiméirí Luas, úsáideoirí aipe agus suímh gréasáin agus daoine eile seachtracha ó Transdev Ireland (is é sin, taobh amuigh dár n-eagraíocht). Tá tábla ullmhaithe againn (ar fáil i bhFoscríbhinn an Fhógartha Príobháideachta seo) ina leagtar amach príomhchatagóirí na faisnéise pearsanta a mbailímid mar gheall ar dhaoine (lena n-áirítear custaiméirí Luas ach ní hamháin iadsan), an chúis a mbailímid an fhaisnéis pearsanta seo, ár mbunús.

Ní úsáidfidh Transdev Ireland d’fhaisnéis pearsanta ach amháin sa chás a cheadaítear dúinn de réir an dlí. Seo a leanas na cásanna is coitianta a úsáidfimid d’fhaisnéis phearsanta:

• Do chustaiméirí Luas, nuair a bhíonn sí ag teastáil uainn chun teagmháil a dhéanamh leat chun tú a chur ar an eolas maidir le nuashonruithe faisnéise faoi oibríocht na seirbhísí sin.
• Nuair a cheadaítear dúinn de réir na reachtaíochta ábhartha chun amhlaidh a dhéanamh i gcomhthéacs cumarsáide margaíochta.
• Do chustaiméirí Luas agus muintir an phobail a dhéanann gearáin nó a thuairiscíonn eachtraí (i.e. trínár suíomh gréasáin ag úsáid Seirbhís Téacs Luas), chun an gearán nó eachtra a fhiosrú agus é a réiteach chomh maith agus is féidir linn. D’iompraíocht choiriúil a tuairiscíodh dúinn, d’fhéadfaimis an tuairisc a thabhairt do na Gardaí.
• Nuair is cuí ionas go ndéanaimid ár n-oibleagáidí conartha agus ár n-oibleagáidí dlíthiúla eile a chomhlíonadh leis an Údarás Náisiúnta Iompair agus Bonneagar Iompair Éireann.
• Nuair is gá chun ár n-oibleagáidí dlíthiúla a chomhlíonadh.
• Nuair is gá chun críocha éilimh dhlíthiúla nó imeachtaí dlí.
• Ar mhaithe ár leas dlisteanach féin, lena n-áirítear slándáil Luas, stopanna Luas agus ár n-oifigí agus ár n-áitribh, áit nach treise an leasa seo ná leas agus cearta an duine.

D’fhéadfaimis d’fhaisnéis phearsanta a úsáid sna cásanna seo a leanas, cásanna a bheadh neamhchoitianta:

• Nuair a chaithimid do leasanna bunúsacha (nó leasanna bunúsacha duine éigin eile) a chosaint e.g. i gcás éigeandála sláinte ar an Luas,
• Nuair a bhíonn sé ag teastáil i dtaobh leas an phobail nó chun críocha oifigiúla.

Má theipeann ort faisnéis áirithe a sholáthar nuair a iarrann Transdev Ireland í, ansin tá seans ann nach mbeimid in ann freagra a thabhairt ar iarratas a rinne tú dúinn ná a bheith ag plé leis (mar shampla, chun déileáil le gearán a rinne tú linn nó chun clárú le seirbhís a chuirimid ar fáil).

Tá, d’úsáidí áirithe maidir le d’fhaisnéis phearsanta. Féach an tábla i bhFoscríbhinn an Fhógartha Príobháideachta seo chun tuilleadh faisnéise a fháil. Maidir le roinnt úsáidí a dhéanann Transdev Ireland leis an bhfaisnéis phearsanta a shonraítear san Fhógra Príobháideachta seo, ní bhíonn do thoiliú ag teastáil uainn. Mar shampla, do chustaiméirí Luas, tá bailiúchán agus úsáid faisnéise pearsanta de réir ár n-oibleagáidí conartha go príomha.

Maidir le cumarsáid mhargaíochta, ní bhímid i dteagmháil le daoine amháin a d’iarr orainn na nuashonruithe seo a fháil agus táimid i dteideal brath ar “thoiliú díliostála” a sholáthraítear faoi na rialacha um margaíocht díreach (mar shampla, maidir le margaíocht do chustaiméirí atá ann cheana a raibh idirbheart againn leo taobh istigh de 12 mhí anuas nó do chumarsáid gnólacht-gnólacht).

Féach ár bhFógraí Fianáin chomh maith ar ár suíomhanna gréasáin, (www.luas.ie and www.transdevireland.ie), ar a ndéantar míniú ar an gcúis a n-úsáidimid fianáin agus gléis bhailithe faisnéise eile ar ár suíomhanna gréasáin agus an chaoi ar féidir leat cosc a chur ar fhianán a úsáid.

(An ceart chun toiliú a tharraingt siar) I gcás ar sholáthair tú do thoiliú maidir le húsáid d’fhaisnéise pearsanta chun críocha sonracha, tá an ceart agat do thoiliú a tharraingt siar don úsáid sonrach sin ag am ar bith. Chun do thoiliú a tharraingt siar, téigh i dteagmháil lenár nOifigeach Cosanta Sonraí (DPO) – féach an rannóg thíos ina gcuirtear sonraí teagmhála ar fáil d’ár DPO (féach Rannóg 16 den Fhógra Phríobháideachta thíos). A luaithe agus atáimid tar éis fógra a fháil go bhfuil tú tar éis do thoiliú a tharraingt siar, ní dhéanaimid d’fhaisnéis a phróiseáil chun críocha ar chomhaontaigh tú leo ar dtús, seachas má tá bonn dlisteanach eile againn chun amhlaidh a dhéanamh de réir dlí.

Ní bheidh tú faoi réir aon chinntí a mbeidh tionchar suntasach ort bunaithe ar chinnteoireacht uathoibrithe, seachas sa chás go mbíonn bonn dleathach againn amhlaidh a dhéanamh agus gur chuireamar ar an eolas tú.

Ní shamhlaímid go ndéanfaí aon chinntí mar gheall ort go huathoibrithe, cuirfear daoine a mbeidh tionchar aige seo orthu ar an eolas má thagann athrú air seo, áfach.

Sa tábla a sholáthraítear i bhFoscríbhinn an Fhógartha Príobháideachta seo, tá na príomhfhaighteoirí faisnéise pearsanta uainne sonraithe againn. Is iad na faighteoirí seo ár bpróiseálaithe sonraí nó rialtóirí sonraí ar leithligh.

Tá liosta ar fáil thíos chomh maith d’ár bpróiseálaithe a dhéanann ár sonraí pearsanta a phróiseáil ar ár son agus faoinár rialáil:

• Flowly SAS, cuirtear an teicneolaíocht ar fáil dúinn chun comharthaí éighníomhacha gléis leictreonacha a bhraith chun cuidiú le Transdev, oibritheoir Luas tuiscint níos fearr a fháil ar an gcaoi a mbogann custaiméirí tríd an líonra Luas, agus a chuidíonn linn sonraí anaithnide a bailíodh a phróiseáil mar chuid den triail Bhailiúcháin Sonraí. Chun tuilleadh eolais a fháil mar gheall ar an triail Bhailiúcháin Sonraí agus úsáid do shonraí i ndáil leis an triail seo féach https://www.luas.ie/triail-bhailiuchain-sonrai-anaithnide/?lang=ga
• Salesforce, cuidítear linn faisnéis chustaiméara a bhainistiú agus a stóráil.
• Dovetail, cuidítear linn ár gcóras bailiúcháin táillí a bhainistiú (e.g. taifead a dhéanamh ar shonraí maidir le himghabháil táillí, fíneálacha a eisítear agus bearta a dhéantar maidir le neamhíocaíocht táillí nó le himghabháil táillí).
• Scheidt & Bachman GmbH, cuidítear linn ár meaisíní ticéid a sholáthar agus a chothabháil ag stopanna Luas, lena n-áirítear íocaíochtaí a éascú ag na meaisíní ticéid,
• Neon Communication Solutions (“Neon”), a chuireann an teicneolaíocht ar fáil dúinn ina gcumasaítear téacsanna ag Luas a sheoladh, a fháil agus a athbhreithniú maidir le seirbhís Téacs Luas agus a chuidíonn linn i bpróiseáil na dteachtaireachtaí a fhaightear ag Seirbhís Téacs Luas.
• Poppulo, a chuidíonn linn ríomhirisí a sheoladh chuig custaiméirí Luas a chláraíonn chuige.
• CCTV Ireland, ár soláthraí seirbhíse CCTV, a dhéanann ár CCTV ar an Luas agus ag stopanna Luas agus inár n-áitribh a sholáthar agus a bhainistiú.
• Transit9, a chuireann córas ar fáil dúinn a chuidíonn linn taifid eachtraí a bhainistiú agus a stóráil, eachtraí a tharla ar thramanna Luas, stopanna Luas nó línte Luas nó gar dóibh. Cuidíonn sé freisin le próiseáil na dteachtaireachtaí a fhaightear ag Seirbhís Téacs Luas.
• RW Pierce, a chuidíonn linn ár gcumarsáidí litreach a bhainistiú agus a chuidíonn linn aisíocaíochtaí a dhéanamh.
• Dovetail: Soláthróir seirbhíse IT, a chuidíonn linn ár suíomhanna gréasáin a bhainistiú.

Tá eagraíochtaí eile chomh maith ina ndéanaimid ár bhfaisnéis phearsanta a nochtadh nó lena mbímid ag roinnt faisnéis phearsanta. Áirítear leo seo:

• Ár n-iniúchóirí agus ár comhairleoirí dlíthiúla, nuair a bhíonn seo riachtanach chun críocha na seirbhísí gairmiúla a chuireann siad ar fáil dúinn.
• Ár soláthraí seirbhísí íocaíochtaí tríú páirtí, Realex, a dhéanann íocaíochtaí ar líne chugainn a phróiseáil. Is rialtóir sonraí neamhspleách é Realex agus tá sé PCI-DSS deimhnithe.(Is é PCI-DSS an caighdeán idirnáisiúnta maidir le slándáil íocaíochta.)
• TNS, Payware agus Sage a sholáthraíonn naisc slána dúinn chun íocaíochtaí a phróiseáil a dhéantar le cártaí dochair agus creidmheasa.
• Safra SA, Masteris agus Naudet a chuidíonn linn le damáiste maoine a fhiosrú.
• Ar láimhseálaithe árachais agus éilimh chun damáiste maoine agus éilimh díobháil phearsanta a fhiosrú.

Éilítear ar ár bpróiseálaithe sonraí ar fad bearta slándála cuí a dhéanamh chun d’fhaisnéis phearsanta a chosaint. Ní cheadaítear do phróiseálaithe sonraí do shonraí pearsanta a úsáid chun a gcríocha féin. Ní thugaimid cead dóibh ach do shonraí pearsanta a phróiseáil chun críocha sainithe agus i gcomhréir lenár dtreoracha.

Beidh tú ar an eolas chomh maith ó shuíomh gréasáin Luas a úsáid (www.luas.ie) go dtugaimid cead duit nascadh le suíomhanna agus seirbhísí eile, mar shampla ceadaítear duit clárú le haghaidh Chárta Leap agus ceann a fháil (ag www.leapcard.ie, a bhíonn á oibriú ag an Údarás Náisiúnta Iompair), chun cead a thabhairt do mhic léinn clárú le haghaidh Chárta Leap do Mhic Léinn ag (at www.studentleapcard.ie a bhíonn á oibriú ag an Údarás Náisiúnta Iompair) agus seirbhísí Páirceáil + Taisteal (ag at www.apcoaconnect.ie, a bhíonn á oibriú ag APCOA PARKING). Is rialtóirí sonraí éagsúla iad NTA agus APCOA PARKING agus ba chóir duit tagairt a dhéanamh dá bhFógraí Príobháideachta chun tuiscint a fháil ar an bhfaisnéis phearsanta a bhailíonn siad agus an chaoi a n-úsáideann siad é.

D’fhéadfaimis do shonraí pearsanta a aistriú taobh amuigh den LEE nó d’fhéadfadh ár bpróiseálaithe sonraí amhlaidh a dhéanamh.

É sin ráite, le go gcinntítear go bhfaigheann d’fhaisnéis phearsanta an leibhéal cosanta leordhóthanach tá na bearta cuí seo a leanas curtha i bhfeidhm againn le cinntiú go gcaitear le d’fhaisnéis phearsanta ar bhealach atá comhsheasmhach le reachtaíocht um chosaint sonraí agus a dhéanann ionadaíocht uirthi, mar shampla socruithe conartha a úsáid le faighteoirí faisnéise pearsanta a bhfuair faomhadh ón Coimisiún AE (Clásail Chonarthacha Chaighdeánacha) nó aistriú chuig faighteoirí i SAM má chláraíonn siad leis an sás cosanta Sciath Phríobháideachta d’fhaisnéis phearsanta. Má bhíonn tuilleadh faisnéise uait maidir leis na saincheisteanna seo, téigh i dteagmháil lenár DPO (féach roinn 16 thíos).

Tá bearta curtha i bhfeidhm againn a chuireann cosc ar d’fhaisnéis a bheith caillte trí thimpiste, a úsáid, a athrú nó a nochtadh nó rochtain a fháil uirthi ar bhealach neamhúdaraithe. Anuas air sin, cuirimid teorainn ar rochtain ar d’fhaisnéis phearsanta chuig fostaithe, gníomhairí, conraitheoirí agus tríú páirtithe eile ar gá dóibh an fhaisnéis a bheith acu i dtaobh cúrsaí gnó de. Ní dhéanfaidh siad d’fhaisnéis pearsanta a phróiseáil ach amháin le treoir uainn agus tá siad faoi réir dualgais rúndachta.

Tá nósanna imeachta curtha i bhfeidhm againn chun déileáil le sárú ar shlándáil sonraí amhrasta (lena n-áirítear sárú ar shonraí pearsanta) agus cuirfear ar an eolas tú maidir le haon rialtóir infheidhme maidir le sárú ar shlándáil sonraí amhrasta nuair a cheanglaítear orainn amhlaidh a dhéanamh de réir an dlí.

Déanaimid d’fhaisnéis phearsanta a choinneáil chomh fada agus is gá chun na críocha a bhailíomar í a chomhlíonadh, lena n-áirítear na críocha chun aon cheanglais dhlíthiúla, cuntasaíochta agus tuairiscithe a shásaimh.

Déanaimid an méid seo a leanas a bhreithniú chun an tréimhse coinneála cuí a chinneadh don fhaisnéis phearsanta; méid, cineál agus íogaireacht na faisnéise pearsanta, an riosca díobhála féideartha de bharr úsáid mhí-údaraithe nó nochtadh d’fhaisnéis phearsanta, an chúis a ndéanaimid na sonraí a phróiseáil agus cé acu an féidir linn na críocha sin a bhaint amach ar bhealach eile nó nach féidir agus aon oibleagáid shonrach a bhíonn i bhfeidhm orainn chun faisnéis nó taifid pearsanta a choinneáil a bhféadfadh faisnéis phearsanta a bheith ann.

I gcásanna áirithe d’fhéadfaimis d’fhaisnéis phearsanta a anaithnidiú ionas nach gá dó a bheith ceangailte leatsa a thuilleadh, agus sa chás sin d’fhéadfaimis faisnéis dá leithéid a úsáid gan tuilleadh fógra a thabhairt duit. Nuair nach mbeidh tú i d’fhostaí, i d’oibrí nó i do chonraitheoir den ghnólacht a thuilleadh, coinneoimid agus scriosfaimid d’fhaisnéis phearsanta go slán i gcomhréir lenár sceideal coinneála sonraí (nó de réir dlíthe agus rialacháin is infheidhme nuair a sháraíonn siad sin an tréimhse coinneála sainithe).

D’fhéadfaimis d’fhaisnéis phearsanta a choinneáil níos faide ná ár dtréimhse coinneála sainithe nuair a bheidh sé ag teastáil chun éilimh dlíthiúla a dhéanamh nó a chosaint, agus má tharlaíonn sé sin, coinneoimid an fhaisnéis phearsanta chomh fada agus a ghlacann sé t-éileamh dlíthiúil nó an t-imeacht dlíthiúil a réiteach nó a chinneadh.

Féach an tábla i bhFoscríbhinn an Fhógartha Príobháideachta seo chun tuilleadh faisnéise a fháil maidir leis na tréimhsí coinneála a úsáidimid do na catagóirí faisnéise pearsanta a bhailímid agus a úsáidimid.

Tá sé tábhachtach go gcoinneofar an fhaisnéis phearsanta atá againn fút cruinn agus reatha. Coinnigh ar an eolas sinn má athraíonn d’fhaisnéis phearsanta le do chaidreamh linne. Is féidir amhlaidh a dhéanamh trí imeacht i dteagmháil lenár nOifigeach Cosanta Sonraí (DPO) – féach Rannóg 16 den Fhógra Príobháideachta seo.

I gcásanna áirithe, tá na cearta seo a leanas agat de réir an dlí:

• Rochtain a iarraidh ar d’fhaisnéis phearsanta (ar a dtugtar “iarratas rochtana suibiachta sonraí” go coitianta) Leis seo, tugtar deist duit cóip den fhaisnéis phearsanta a gcoinnímid mar gheall ort a fháil agus a sheiceáil go bhfuilimid á próiseáil go dleathach.
• Ceartú a iarraidh maidir leis an bhfaisnéis a bhailímid mar gheall ort. Leis seo, tugtar deis duit go ndéanfaí aon fhaisnéis neamhchomhlánaithe nó mhíchruinn a cheartú
• Scriosadh a iarraidh maidir le d’fhaisnéis phearsanta. Leis seo, tugtar deis duit iarraidh orainn faisnéis phearsanta a scriosadh nó a bhaint nuair nach bhfuil fáth maith againn go leanfaimid ar aghaidh á próiseáil. Tá an ceart agat chomh maith iarraidh orainn d’fhaisnéis phearsanta a scriosadh nó a bhaint nuair a chleachtaigh tú do cheart chun cur i gcoinne na próiseála. (féach thíos).
• Cur i gcoinne próiseáil d’fhaisnéise pearsanta agus nuair atáimid ag brath ar leasanna dlisteanacha (nó leasanna dlisteanacha tríú páirtí) agus tá rud éigin faoi do chás áirithe a dteastaíonn uait cur i gcoinne na próiseála ar an mbonn sin. Tá an ceart agat cur ina choinne nuair atáimid ag próiseáil d’fhaisnéis phearsanta chun críocha margaíochta díreacha.
• Srian ar phróiseáil a iarraidh maidir le d’fhaisnéis phearsanta. Leis seo, tugtar deis duit iarraidh orainn próiseáil faisnéise pearsanta mar gheall ort a chur ar fionraí, mar shampla má theastaíonn uait an cruinneas a ghabhann leis a bhunú mar aon leis an gcúis a bhfuil sé á próiseáil againn.
• Aistriú a iarraidh maidir le d’fhaisnéis phearsanta chuig páirt eile i bhformáid struchtúrtha agus a úsáidtear go coitianta (ar a dtugtar iniomparthacht sonraí chomh maith).

(An chaoi le hiarratas a dhéanamh chun do chearta a chleachtadh) Má theastaíonn uait d’fhaisnéis a athbhreithniú, a dhearbhú, a cheartú nó iarratas a dhéanamh í a scriosadh, cur i gcoinne próiseáil do shonraí pearsanta nó iarratas a dhéanamh go n-aistreoimid cóip de d’fhaisnéis phearsanta chuig páirtí eile, téigh i dteagmháil leis an Oifigeach Cosanta Sonraí (DPO) i scríbhinn (féach Rannóg 16 thíos den Fhógra Príobháideachta seo).

(Ní bhíonn táille riachtanach de ghnáth) Ní bheidh ort táille a íoc chun rochtain a fháil ar do shonraí pearsanta (nó aon cheart eile a chleachtadh). D’fhéadfaimis táille réasúnach a ghearradh, áfach má mheastar go bhfuil d’iarratas maidir le rochtain gan bhunús nó iomarcach. De rogha air sin, d’fhéadfaimis diúltú do chomhlíonadh an iarratais i gcásanna mar sin.

(Nithe a d’fhéadfadh a bheith de dhíth orainn uaitse) D’fhéadfadh go mbeadh sonraí áirithe mar gheall ort ag teastáil uainn chun cuidiú linn d’aitheantas a dhearbhú agus do cheart maidir le rochtain ar shonraí pearsanta a chinntiú (nó chun aon cheann de do chearta eile a chleachtadh).Is beart eile slándála cuí é seo le cinntiú nach nochtar faisnéis phearsanta chuig aon duine nach bhfuil an ceart acu í a fháil. D’fhéadfaimis imeacht i dteagmháil leat chomh maith chun tuilleadh faisnéise a fháil uait maidir le d’iarratas chun ár bhfreagra a dhéanamh níos tapúla.

(Teorainn ama chun freagra a thabhairt ar iarratais) Déanaimid iarracht freagra a thabhairt ar iarratais dlisteanacha taobh istigh d’aon mhí tar éis iad a fháil. (Is é aon mhí amháin an t-am sainithe faoi RGCS.) Ó am go ham, glacann sé níos mó ná mí orainn má tá d’iarratas casta nó má tá cúpla iarratas déanta agat. Sa chás sin, tabharfar fógra duit agus coinneofar ar an eolas tú maidir le hamanna freagartha.

Tá Oifigeach Cosanta Sonraí (DPO) ceaptha againn chun maoirseacht a dhéanamh ar ár gcomhlíontacht maidir le rialacha um chosaint sonraí. Má tá aon cheist agat maidir leis an bhFógra Príobháideachta seo nó an chaoi a ndéanaimid d’fhaisnéis phearsanta a láimhseáil, is féidir leat teagmháil a dhéanamh leis an Oifigeach Cosanta Sonraí tríd an bpost chuig ár seoladh oifige (Transdev Dublin Light Rail Limited, Iosta Luas, Timpeallán na Bó Deirge, Cluain Dolcáin, Baile Átha Cliath 22 , D22 C5P3) nó trí ríomhphost a chur chuig [email protected].

Má tá aon deacracht agat maidir leis an gcaoi a ndéanaimid d’fhaisnéis pearsanta a láimhseáil nó mar gheall ar chomhlíontacht le cosaint sonraí, tá an ceart agat gearán a dhéanamh ag aon am chuig an gCoimisiún um Chosaint Sonraí (DPC), atá mar údarás maoirseachta na hÉireann maidir le reachtaíocht um chosaint sonraí (lena n-áirítear faoin RGCS).

Forchoimeádaimid an ceart chun Fógra Príobháideachta seo a nuashonrú ag am ar bith agus soláthróimid le Fógra Príobháideachta nua tú nuair a dhéanaimid aon nuashonruithe suntasacha. D’fhéadfaimis tú a chur ar an eolas ar bhealaí eile ó am go ham maidir le próiseáil do shonraí pearsanta.