Tá an Luas ag ceiliúradh a breithlá, agus 20 bliain slánaithe aige, ar an Domhnach 30 Meitheamh, agus in 2024, beidh líon iomlán na bpaisinéirí os cionn 50 milliún den chéad uair.

Tá méadú suntasach tagtha ar líonra an Luas ó rinneadh an chéad turas ar an Líne Ghlas ó Áth an Ghainimh go Faiche Stiabhna, sa lá atá inniu ann síneann sé go 43km agus cuireann sé seirbhís ar fáil do 67 stad ar fud na cathrach agus na bruachbhailte.

Le 20 bliain anuas, tá breis is 650 milliún paisinéir á n-iompar ag an Luas agus ar bhealach iontach, tá breis agus 400,000 de mhuintir Bhaile Átha Cliath anois ina gcónaí laistigh de 1km ó Stad an Luas, rud a spreagann an t-éileamh méadaitheach ar an tseirbhís iompair phoiblí.

Tá sárcháil na sábháilteachta agus iontaofachta bainte amach ag an Luas agus bhí tionchar an-dearfach aige ar lorg comhshaoil mhuintir Bhaile Átha Cliath, rud a chruthaigh astuithe nialasach ar leibhéal na sráide.

Ón gcéad lá, bhí an t-éileamh ar an tseirbhís i bhfad níos fearr ná mar a shíl daoine a bheadh, agus na mílte duine ar dhá thaobh na sráideanna le dul ar bord ar a gcéad turas Luas.

Tá fás leanúnach tagtha ar líonra an Luas chun freastal ar phobail ar fud Bhaile Átha Cliath, ag cur rochtain iontaofa ar phoist agus ar ghníomhaíochtaí áineasa ar fáil do líon mór daoine.

De réir mar a leanann daonra Bhaile Átha Cliath ag fás sna blianta amach romhainn, déanfar Luas a leathnú tuilleadh chun freastal ar an éileamh atá ag méadú. Is é an chéad chéim eile san éabhlóid seo ná síneadh a chur leis an Líne Ghlas go Fionnghlaise, agus tá obair ar siúl faoi láthair ar a dearadh deiridh.

Táimid ar bís a fheiceáil cad a bheidh roimhe Luas sa chéad 20 bliain eile atá amach romhainn!