Skip to main content

Rothaíocht Shábháilte ar fud Luas

Roinntear spásanna idir Luas agus rothaithe, coisithe agus tiománaithe ar fud an líonra Luas. Tá go leor bearta sábháilteachta i bhfeidhm chun rothaithe, coisithe agus tiománaithe a chosaint mar aon le tramanna Luas, tiománaithe agus paisinéirí. Tá an-oiliúint curtha ar thiománaithe Luas chomh maith chun sábháilteacht rothaithe, coisithe agus tiománaithe a chinntiú  a oiread agus is féidir.

Léigh ar aghaidh thíos chun príomhfhaisnéis a fháil mar gheall ar an gcaoi ar féidir le tiománaithe fanacht sábháilte agus iad ag roinnt spáis le tramanna Luas.

Nuair atáthar ag rothaíocht timpeall Luas, is féidir na ráillí a roinnt i 3 chineál limistéar éagsúil lena rialacha agus noda sábháilteachta féin. Is iad sin:

  • Lánaí Tram
  • Acomhail
  • Trambhealaí Roinnte

Lánaí Tram

Ní cheadaítear rothaíocht i Lánaí Tram; is limistéir shainithe iad na Lánaí Tram do thramanna amháin.

Is ionann na Lánaí Tram agus formhór na ráillí Luas agus rinneadh iad a dhearadh do thramanna amháin ní do rothaithe.Is féidir le dromchlaí Lána Tram, eitrí ráillí, comharthaíocht acomhail tram agus trácht tram a bheith mar bhaol do shábháilteacht rothaithe.Is féidir Lánaí Tram a shainaithint leis na comharthaí rabhaidh, mar a léirítear thuas, atá lonnaithe ag tús na gcodanna leithscartha.

Is féidir Lánaí Tram a shainaithint go soiléir le haon cheann de na nithe seo a leanas, i gcoitinne;

  • Comhartha rabhaidh, mar a léirítear thuas, lonnaithe ag tús na gcodanna leithscartha.
  • An Lána Tram ag ardú thar cothromaíocht an bhóthair atá cóngarach.
  • Dromchla doirneogach socraithe feadh an Lána Tram.
  • Dáileacht theorannaithe á dhéanamh ar na Lánaí Tram le líne bhán leanúnach.

Is sárú é ar reachtaíocht na hÉireann um thrácht ar bhóithre a bheith ag rothaíocht i Lánaí Tram. Is féidir rochtain a fháil ar reachtaíocht um thrácht ar bhóithre ag suíomh gréasáin Oifig Ard-Aighne na hÉireann  ar a bhfuil bunachar sonraí inchuardaithe.

Acomhail

Trasnaíonn ráillí agus tramanna Luas go leor acomhail a úsáideann rothaithe agus tiománaithe, go háirithe i lár na cathrach.

Is féidir le rothaithe na ráillí a thrasnú ag acomhail le trácht bóthair eile, níor chóir do rothaithe a bheith ag rothaíocht feadh an ráille trí hacomhail i Lánaí Tram, áfach.Chun rothaíocht a dhéanamh feadh na ráillí i dTrambhealaí Roinnte, Acomhail san áireamh, féach an fhaisnéis thíos maidir le Trambhealaí Roinnte agus an chomhairle shábhaílteachta.

Ba chóir do rothaithe cloígh leis na treoracha sábháilteachta seo a leanas chun ráillí Luas a thrasnú ag acomhail bhóthair agus acomhail raon rothar:

  • Trasnaigh díreach thar an acomhal i gcónaí le do rotha ar dhronuillin leis na ráille
  • Úsáid lána rothar i gcónaí nuair a sholáthraítear iad
  • Cloígh leis na rialacha bóthair ar fad i gcónaí
  • Géill don chomharthaíocht tráchta ar fad i gcónaí i.e. bí ag rothaíocht nuair a bhíonn sé glas, stop nuair a bhíonn sé dearg agus bí níos cúramai nuair a bhíonn sé oráiste
  • Géill do na comharthaí tráchta ar fad i gcónaí i.e stop nó géill slí do thrácht agus tramanna
  • Féach ar dheis agus ar chlé roimh dul ar aghaidh trí acomhal i gcónaí
  • Bí ag éisteacht amach do bhonnáin agus do chloigíní i gcónaí ó thramanna atá ag teacht
  • Ná caith cluaiseáin mar chuireann siad srian ar do chumas a bheith in ann tramanna nó bonnáin a chloisteáil
  • Ullmhaigh tú féin chun trasnú i bhfad roimh ré agus tóg d’aimsir i gcónaí
  • Bí ar an airdeall níos mó nuair a bhíonn sé fliuch agus in aimsir shioctha i gcónaí mar is féidir leis na ráillí a bheith níos sleamhaine
  • Ná bí ag rothaíocht agus tú ar do ghuthán riamh
  • Caith éadaí cosanta pearsanta agus sofheicthe
  • Tuirling agus trasnaigh na ráillí de shiúl na gcos más gá ar mhaithe do shábháilteachta.

Trambhealaí Roinnte

I líon suíomhanna áirithe tá ráillí Luas lonnaithe i dTrambhealaí Roinnte a bhíonn in úsáid ag tramanna, feithiclí agus rothaithe.

An tslí is éasca chun Trambhealaí Roinnte a shainaithint ná féachaint ar fheithiclí; mar threoir ghinearálta má cheadaítear do charanna agus do bhusanna tiomáint ar na ráillí, ceadaítear do rothaithe chomh maith.

Ba chóir do rothaithe cloígh leis na treoirlínte sábháilteachta seo a leanas chun rothaíocht a dhéanamh ar Thrambhealaí Roinnte:

  • Bí ag rothaíocht idir na ráillí i gcónaí agus cinntigh go bhfanann do rothaí i bhfad ó na heitrí sna ráillí
  • Trasnaigh díreach thar an acomhal i gcónaí le do rotha ar dhronuillin leis na ráille
  • Úsáid lána rothar i gcónaí nuair a sholáthraítear iad
  • Cloígh leis na rialacha bóthair ar fad i gcónaí
  • Géill don chomharthaíocht tráchta ar fad i gcónaí i.e. bí ag rothaíocht nuair a bhíonn sé glas, stop nuair a bhíonn sé dearg agus bí níos cúramai nuair a bhíonn sé oráiste
  • Géill do na comharthaí tráchta ar fad i gcónaí i.e stop nó géill slí do thrácht agus tramanna
  • Féach mór thimpeall ort i ngach treo i gcónaí sula dtéann tú ar aghaidh
  • Bí ag éisteacht amach do bhonnáin agus do chloigíní rabhaidh i gcónaí ó thramanna atá ag teacht
  • Ná caith cluaiseáin riamh mar chuireann siad srian ar do chumas a bheith in ann tramanna nó bonnáin a chloisteáil
  • Ullmhaigh tú féin chun trasnú i bhfad roimh ré agus tóg d’aimsir i gcónaí ag cinntiú go bhfuil tú ag trasnú na ráillí chomh cóngarach do dhronuillin agus is féidir leat
  • Ná bí ag rothaíocht agus tú ar do ghuthán riamh
  • Bí ar an airdeall níos mó nuair a bhíonn sé fliuch agus in aimsir shioctha i gcónaí mar is féidir leis na ráillí a bheith níos sleamhaine
  • Caith éadaí cosanta pearsanta agus sofheicthe
  • Ná bí ag rothaíocht róghar do thram riamh mar d’fhéadfadh siad stop go tobann i gcás éigeandála
  • Ná scoith tram atá ag gluaiseacht riamh mar tá siad 40 méadar i bhfad nó níos faide agus is dóchúil go mbeidh tram eile ag teacht an treo eile
  • Tuirling agus trasnaigh na ráillí de shiúl na gcos más gá ar mhaithe do shábháilteachta.